او-بوندان بیر نئچه سؤز اوغورلاییب
اؤزونون آدینا یازان قارداشیم
سنه شاعیر دئمک اولمور نئیله ییم
شاعیرلر حالینی پوزان قارداشیم
شاعیرین صنعتی سؤزو اؤزونون
شعرینده یالانی دوزو اؤزونون
آستاری اؤزونون، اوزو اؤزونون
اؤزونه اؤزون آد قازان؛ قارداشیم!
سؤز منیم دیل سنین، اولمادی قارداش
اؤزگه سؤزله او باش اولمادی بیر باش
آز بئله دئمینه یوخاری دیرماش
او بونون دووارین جیزان قارداشیم